Plantun de Prouvènço

Pèr coumpara dos planto d'encò nostre

Prunus avium & Minuartia capillacea

Cereisié-fèr

Prunus avium

Rosaceae

Àutri noum : Cereiras, Piéucère, Grifaudié.

Nom en français : Merisier.

Descripcioun :
Lou cereisié-fèr trachis dins li bos fres. Es esta peréu planta. Se recounèis l'ivèr à sa rusco que se lèvo en anèu, la primo e l'estiéu à si gràndi fueio emé de glando roujo sus lou pecou e de segur i cerieso.

Usanço :
Li cerieso soun evidentamen manjadisso coum'acò o d'ùni biais. Se li co soun couneigudo pèr faire pissa, se saup mens que li fueio podon servi pèr sougna li plago. P. Lieutaghi raporto que dins lis annado de 1930, se sougnavo li plago di chivau emé d'emplastre de fueio boulido (P. Lieutaghi, op.cit. p. 149).

Port : Aubre
Taio : 3 à 20 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Prunus
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 12 à 30 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Abriéu à mai

Liò : Bos fres - Baragno
Estànci : Mesoumediterran à Mountagnard
Couroulougi : Paleoutemperado
Ref. sc. : Prunus avium (L.) L., 1755

Lineto(-di-fueio-primo)

Minuartia capillacea

Caryophyllaceae

Noms en français : Minuartie à feuilles capillaires, Sabline capillaire.

Descripcioun :
Poulido lineto dóu gènre Minuartia que trachis sus li roucas de mountagno auto o mejano. Se recounèis à si gràndi flour, si fueio primo e redo e peréu qu'èi pegouso d'en pertout (cambo e flour glandoulouso). Fai pas de gròssi mato. Coumpara emé la lineto-di-fueio-de-mèle que ié sèmblo, mai que trachis sus siliço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 8 à 20(30) cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Minuartia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 16 à 18 mm
Flourido : Printèms - Estiéu

Sòu : Ca
Autour basso e auto : 600 à 2200 m
Aparado : Noun
Jun à avoust

Liò : Roucas - Tepiero roucaiouso
Estànci : Subremediterran à Subaupen
Couroulougi : Ouroufito-Cèntre-Éuroupenco
Ref. sc. : Minuartia capillacea (All.) Graebn., 1918

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Prunus avium & Minuartia capillacea

Coumpara Cereisié-fèr emé uno autro planto

Coumpara Lineto(-di-fueio-primo) emé uno autro planto